Մեսրոպ Մաշտոցի անվան Մատենադարանի վիրտուալ հարթակ ստեղծելու համար:

Նվիրատվությունն ամբողջությամբ ուղղվելու է «Վիրտուալ Մատենադարան»ի տեխնոլոգիական զարգացման ծրագրին, որը ապահովելու է Մատենադարանի թանգարանային/ցուցադրական և գիտական հնարավորություններից հեռավար օգտվելու գործիքներ՝ ժամանակակից տեխնոլոգիաների կիրառմամբ:

Նվիրաբերությունը կարող եք իրականացնել օգտագործելով ստորև նշված պարզ մեխանիզմը:

«Վիրտուալ Մատենադարան»ի տեխնոլոգիական զարգացման ծրագիրը ենթադրում է՝

1. Վիրտուալ շրջայց Մատենադարանի ներսում՝ ծանոթանալով թանգարանի հիմնական ցուցադրությանը, շրջելով ցուցասրահներում, դիտելով ներկայացված ցուցանմուշները և համապատասխան տեղեկություններ ստանալով:

2. Մատենադարանի գործունեության և նրա առանձին բաժինների մասին պատմող հարուստ և բազմաբովանդակ տեսանյութերի պատրաստում:

3. Մատենադարանյան յուրահատուկ հուշանվերների հավաքածուները առցանց (օնլայն) խանութի միջոցով ներկայացնելու և վաճառքի հնարավորություն:

4. Աուդիոգիդերի ծրագրային հավելվածների ներդրում, ցուցանմուշների վերաբերյալ թվային-տեղեկատվական համակարգի ստեղծում, որոնք հասանելի կլինեն առցանց:

5. Նոր էլեկտրոնային կայքէջի ստեղծում, որը կապահովի Մատենադարանի թանգարանային/ցուցադրական և գիտական համալիրի պատշաճ ներկայացումը և ծանոթացումը աշխարհին, ինչպես նաև ֆոնդերից առցանց օգտվելու հնարավորություն:

Բոլոր նվիրատուների անունները և նվիրաբերված գումարների չափը համակարգը գեներացնում է այս էջում: Դրամահավաքի վերաբերյալ հաշվետվությունը կներկայացվի ծրագրի ավարտին: